مهم تكون عارف مصطلحات زي الـــ Rum
( Real user Monitering tools ) يعني أدوات زي Page speed insights بتقدر تقيس مؤشرات السرعة لداتا حقيقية لليوزر.
وغيرها من التولز ال بتديك داتا حقيقية من اليوزرز ال زاروا موقعك. يعني اليوزر ده مثلا عايش في مصر ويوزر تاني عايش في ألمانيا ويوزر تالت في استراليا الأول عنده انترنت سئ والتاني الإنترنت كويس والتالت كويس جدا وكل يوزر بيستخدم جهاز مختلف عن التاني ويوزرز تانية كتير … فبناء علي المكان وسرعة الإنترنت والجهاز المُستخدم التول هتدينا داتا بالنسبة للـــ various users دول.
علي عكس الـــ Lighthouse test ال هي موجودة في الــ dev tools والـــ تُعتبر Lab test.
وده هيودينا للمصطلح التاني ال هو Lab Test؟
الـــ Lab Test: عبارة عن بيئة محددة لقياس الـــ metrics زي الـــ LCP والــ FCP والــ INP وغيرهم.
لو قلنا مثلا انك بتشتري عربية ففي نظام محاكاة لقدرة العربية في السيستم عند المالك فبيتم اختبار العربية في ظروف معينة زي:
1- المطر
2- الأسفلت
3- سواق العربية
فبيطلع في الأخر بسكور وليكن 85% مع إن الإسكور ممكن يختلف مع عوامل تانية زي الرياح ولو بيئة جبلية ومع سواق تاني أكثر إحترافيه أو أقل …
نفس الكلام بالنسبة للــ Lighthouse (ال هو الــ Test Lab) في سرعة انترنت محددة + جهاز واحد + إعدادات جهاز ثابتة + مكان واحد علي عكس الـــ Rum ال تم توضيحها والــ بردوا اسمها CrUX
CrUX = Chrome user experience
لكن مش مُحددة بمعني إن بيجيلك للموقع زوار كتير وكل يوزر في مكان مختلف وكل واحد عنده سرعة إنترنت مختلفة عن التاني وجهاز محمول مختلف بإعدادات مختلفة فالبتالي مؤشرات القياس أدق من الــ Lab test
Diagnose performance issues = Lighthouse
الإسكرين دي ال هي تاني سيكشن لما تفتح الــ Page speed insights هي هي الـ lighthouse test ال تقدر توصله عن طريق الــ inspect (F12)
وبعدين هتلاقي الــ Lighthouse
أيهما أفضل: الــ lighthouse test ولا الــ Page speed insights؟
زي ما شرحنا إن الــ lighthouse هو عبارة عن lab test بينما الــ CrUX زي الــ Page Speed insights بيقيس بناء علي الــ Real Users وده ال مطلوب بالنسبة لمتخصصين السيو.
ما هو الاختلاف في مؤشرات القياس بين الــ lighthouse test ولا الــ Page speed insights؟
Real user data
Lab data = lighthouse
فالــ مفروض يُعتمد الــ CrUX بدلا من الــ Lighthouse test من جانب كلا من متخصصين السيو والديفلوبرز وده لإن الــ metrics مختلفة زي ما هو واضح في الــ LCP ومؤشرا تانية كتير.
ما هو الــ LCP: سرعة عرض الصفحة عند الضغط عليها.
هل Pingdom و GTmetrix بيدعموا الــ RUM ولا Lab test ؟
- بتركز GTmetrix على الــ lab tests لكن بتسمح لك باختبار الموقع من مواقع مختلفة.
- بتوفر Pingdom ميزة RUM، لكن الــ default عنده بيركز علي الــ lab tests.
فالأفضل إننا نقيس سرعة الموقع دايما من علي page speed insights وده للأسباب ال وضحناها.
هل موقعك بطئ؟ الزوار بيهربوا قبل ما الصفحة تفتح؟
مع سيو نايت – أفضل شركة سيو في مصر والسعودية هنحل مشكلة السرعة ونخلي موقعك أسرع، أقوى، ومتوافق مع معايير جوجل لتحسين تجربة المستخدم وزيادة التحويلات!
✅ تحسين أداء الموقع
✅ رفع سرعة التحميل
✅ تحسين ترتيبك في محركات البحث
ما تضيعش عملاءك بسبب موقع بطئ! اطلب تحسين سرعة موقعك الآن وخلّي زوارك يستمتعوا بتجربة سريعة وسلسة!
كاتب المقال
أحمد أشرف
أخصائي SEO وديفلوبر بخبرة تزيد عن سنتين في تحسين المواقع لمحركات البحث. عملت على 65 مشروعًا ناجحًا وساهمت في تحسين وضوح ونمو العديد من المواقع، مثل مواقع الـــ SaaS، والــ E-Commerce، والمواقع الخدمية. لدي خبرة كبيرة في العمل مع عملاء من مصر، الولايات المتحدة الأمريكية، ودول الخليج.
