دراسة حالة – تحسين السيو في مجال الرعاية الصحية

كان في موقع طبي اسمه drx.com بس الدكتور فسخ التعاقد مع الشركة القديمة وللأسف الشركة مبتردش عليه ومش عارف ياخد الــ credentails بتاعة الموقع.

فكلم ديفلوبرعمله ويب سايت اسمه dr-x.com والموقع ده نفس الــ theme للموقع القديم ونفس الــ layout بل ونفس الــ copy + نفس الديزاينات; نسخة طبق الأصل من الموقع القديم بس بدومين مختلف.

كنت قلقان من اسم الدومين بردوا ال هو:

القديم: drx.com

الجديد: dr-x.com

معروف إن الدومين لو فيه حرف مختلف عن التاني مازال دومين جديد بس ال هو دي مجرد dash يعني جوجل مش غبي للدرجادي علشان ميقدرش يقرر إن دول بينتموا لشخص واحد أو هو هو نفس الشخص بس دي مكانتش أولوية بالنسبالي لإن عندي مشكلة أكبر وهي الــ Duplication في الثيم والكوبي والـ layout.

المهم إن الكلاينت جاب حد اشتغل علي الموقع سيو لمدة 3-5 شهور تقريبا ومفيش أي نتيجة بناءً علي كلامه رغم إن متخصص السيو كنت شايفه عامل شغل On-page كويس ومتارجت كلمات كويسة جدا وهتخدم البيزنس بشكل كبير..

المشكلة مش هنا خالص; المشكلة إن في موقعين متشابهين في كل حاجة إلا الدومين وكونتنت المقالات طبعا, فطلبنا من المبرمج تغيير الثيم ونعدل شوية في الــ layout بناء علي الـــ UI Audit ال تم للموقع واقترحنا كل حاجة شايفينها هتصب في مصلحة الموقع بحيث جوجل يقدر يفرق بين الـموقعين ويشوفهم مختلفين.

ال كنت شايفه إن الموقع القديم بالفعل واخد مصداقية وثقة من جوجل فالبتالي هو ال مرانك وجوجل شايف إن الموقع التاني duplicate للأول فالبتالي مش هيفيدنا بأي حاجة فمتجاهله تمامًا..

عدي ما يقرب من شهر ونص ولا ثيم إتغير ولا layout إتعدل ولا أي حاجة تمت خاالص.

حللت تاني الموقع الجديد والقديم وأي موقع منافس لقيت إن الموقع القديم فيه كاتيجوري مش متارجت ليها أي مقالات ولا مغطي ليها أي Topics قولت خلاص إحنا هنشتغل علي الكاتيجوري دي فقط للموقع الجديد ونغطي كل التوبيكس ال فيها طالما جوجل مش عايز يعتمدنا في أي كلمات خاصة بالــ Categories التانية ومفضل الموقع القديم عنا ..

وبالفعل عملنا ده وقدرنا في فترة صغيرة جدا لا تتجاوز الشهر نلاحظ إن في تحسن للجراف علي جوجل سيرش كونسول (GSC) وبدأنا نمسك الكلمات الخاصة بالكاتيجوري الجديدة وكان منها كلمات Commercial محترمة جدا والحمد لله في فترة قليلة حققنا للكلايت نتيجة متواضعة ومُرضية بناء علي الواقع ال كان مفروض علينا وكمان بدأنا نظهر ونطلع في بعض الكلمات ال في الــ Categories التانية علي الموقع القديم …

كنت شايف إن ده منطقي نوعًا ما لإن الموقع القديم عدي ما يقرب من 3 شهور محدش شغال عليه سيو + موقعنا شغالين تحسينات فيه من أول يوم إستلمناه ..

ملحوظة: لم يتم عمل أي من التعديلات المُقترحة لحد هذه اللحظة..

لو كنت عايز تطور موقعك وتحقق نتائج سريعة وفعّالة على جوجل، شركة “سيو نايت” هي الاختيار الأمثل ليك. مع فريق متخصص وأحدث استراتيجيات السيو، هيساعدوك ترفع ترتيب موقعك وتزيد من ظهوره في نتائج البحث. تواصل معانا دلوقتي وابدأ رحلة النجاح مع أفضل شركة سيو في مصر!